Vi jobbar for idékraft verda treng
Vi investerer i den beste forskinga og innovasjonen og sørgjer for arenaer for dialog. Vi deler kunnskap og hjelper andre å lukkast.
Noregs forskingsråd (kortform Forskingsrådet) er eit statleg norsk forvaltningsorgan som finansierer forskings- og innovasjonsprosjekt. På vegne av regjeringa investerer vi (per 2022) 11,4 milliardar kroner årleg.
Vi har ansvaret for å fremje grunnforsking, anvend forsking og innovasjon. Dette blir gjort gjennom å forvalte forskingsmidlar og ved å gi råd til styresmaktene om forskingspolitikk, blant anna gjennom forslag til forskingsbudsjett i statsbudsjettet.
Vi skal fremje internasjonalt forskings- og innovasjonssamarbeid,. Vi har mellom anna ei rekkje ordningar for å mobilisere norske søkjarar til EUs forskings- og innovasjonsprogram. Andre oppgåver er å bidra til samarbeid mellom forskarar, næringsliv, offentleg sektor, forvaltning og andre brukarar av forskingsresultat.
Forskingsrådet vart oppretta i 1993 ved samanslåing av fem ulike tidlegare oppretta forskingsråd. I 2023 hadde vi om lag 360 tilsette.
Langtidsplanen for forsking og høgare utdanning
Langtidsplanen for forsking og høgare utdanning set kursen for politikkutviklinga i forsking og høgare utdanning. Han er eit viktig styringsdokument for oss i Forskingsrådet.
Leiinga vår
Toppleiargruppa vår består av fem områdedirektørar, som saman utgjer den næraste leiargruppa til administrerande direktør Mari Sundli Tveit.
Styret vårt
Styret vårt har ansvaret for å følgje opp verksemda og gi råd om forskingspolitikken. Her finn du oversikt over medlemmane, styremøte og styrepapir.
Porteføljestyra våre
Vi har 11 porteføljestyre som kvar for seg og saman skal bidra til å nå måla i strategien vår. Sjå oversikta over alle porteføljestyra.
Finn tilsette hos oss
Her finn du ei oversikt over alle våre tilsette. Du kan søke på namn, stilling og avdeling.
Vedtekter
Sjå Forskingsrådets vedtekter på Lovdata. Vedtektene er fastsette ved kongeleg resolusjon. Dagens vedtekter trådde i kraft 1. desember 2018.
Vårt internasjonale rådgivingsutval
Forskingsrådet har knytt til seg eit uavhengig utval av internasjonale ekspertar som gir råd om forsking- og innovasjonspolitikk.
Våre verdiar
- Framtidsretta: Vi leitar kontinuerleg etter betre løysingar som forenklar kvardagen for brukarar og tilsette.
- Ansvarleg: Vi er ryddige og pålitelege i forvaltninga vår, og i møte med partnarar og kollegaer. Våre val skal vere til det beste for samfunnet.
- Tydeleg: Vi er tydelege i våre råd, og ærlege i kommunikasjonen vår. Vi engasjerer oss på eksterne arenaer, og bidreg til å synleggjera betydninga på forskinga.
- Engasjert: Vi engasjerer oss i dei utfordringane som verda står overfor og rettar aktivitetane våre mot å drive fram idear, forsking og innovasjon verda treng.
Bistand for offentlege og private aktørar
Vi har samarbeid knytt til utlysingar og bistand til søknadsbehandling med fleire aktørar, både offentlege og private.
Prisutdelingar
Vi deler årleg ut to prisar. Alle kan komme med forslag til kandidatar.
Andre satsingar vi har ansvar for
Vi investerer i forsking, innovasjon og utvikling gjennom mange ulike ordningar. For nokre satsingar og strategiprosessar er vi det ansvarlege sekretariatet. Sjå oversikt over desse.