Innspelsmøte for samfunnsoppdrag berekraftig fôr - Digitalt

Regjeringa lanserte i 2022 samfunnsoppdrag for berekraftig fôr. Målet er at alt fôr til oppdrettsfisk og husdyr skal komme frå berekraftige kjelder og redusere klimautsleppa i matsystema. I 2023 blir det jobba med eit forslag om korleis målet kan nåast.

Vi inviterer til seks opne innspelsmøte for å få innspel på korleis vi kan nå målet om berekraftig fôr og korleis samfunnsoppdraget kan formast ut. Innspela vil inngå i forslaget som skal leverast november 2023.

Les meir om samfunnsoppdraget for berekraftig fôr: Berekraftig fôr (forskningsradet.no)

Kva ønskjer vi innspel på

Vi ønskjer innspel på utforming og mål for samfunnsoppdraget for berekraftig fôr. 

Spel gjerne inn på eit eller fleire av følgjande moment:  

• Problem: Kva meiner organisasjonen din er hovudproblemet eller hindringa som gjer at fôr ikkje produserers meir berekraftig i dag? 
• Løysingar: Kva trengst for å løyse problema/hindringane slik at vi kan produsere fôr meir berekraftig?
• Mål: Har du innspel til målforslaga i dette dokumentet?

Til deg som skal halde innlegg

Innspel skal vere munnlege og vere på maksimalt 3 minutt. Skriftleg manus blir levert i etterkant av møtet og skal vere likt det som skal presenterast munnleg. Manus blir publisert. Dei tre minutta er absolutt og vi tilrår derfor alle som skal gi innspel om å vere poengterte og starte med det viktigaste. Det er ikkje høve til å vise powerpoint. 

Her arrangerer vi innspelsmøte

Det blir arrangert fem fysiske innspelsmøte og eitt digitalt. Det er høve til å gi innspel på eitt av desse møta og du vel sjølv kva for eit.

• Ås, torsdag 24. august, Festsalen auditorium i Urbygningen
• Tromsø, måndag 28. august, Kystens hus
• Trondheim, tysdag 29. august, Powerhouse, Brattørkaia
• Bergen, onsdag 30. august, VilVite, Marineholmen
• Hamar, måndag 4. september, Biohuset
• Digitalt, onsdag 6. september