Føring av personalkostnader og indirekte kostnader i instituttsektoren
Forskingsinstitutt skal budsjettere personalkostnader og indirekte kostnader under eitt for dei ulike gruppene av FoU-medarbeidarar som inngår i prosjektet.
Institutta melder årleg inn timesatsane for ulike grupper av FoU-medarbeidarar til Forskingsrådet. Forskingsorganisasjonar i gruppa "Andre godkjende forskingsorganisasjonar" som ikkje ønskjer å melde inn timesatsar eller som ikkje oppfyller krava, skal bruke rundsumsatsen for personalkostnader. Det er også denne som brukast i universitets- og høgskolesektoren.
Innmelding av timesatsar for instituttsektoren
Det er følgjande fire grupper av institusjonar på Forskingsrådets liste over godkjende forskingsorganisasjonar som vi kvart år ber om å melde inn timesatsane sine:
- Organisasjonar omfatta av regjeringas Retningslinjer for statlig grunnbevilgning av forskningsinstitutter og forskningskonsern
- Andre organisasjonar omfatta av regjeringas Strategi for helhetlig instituttpolitikk.
- Andre einingar i offentleg sektor som er pålagd å utføre forsking.
- Forskingsorganisasjonar godkjend av Forskningsrådet etter søknad.
Legg merke til at organisasjonar omfatta av retningslinjene for statleg grunnløyving skal melder inn timesatsar. Resten av organisasjonane kan velje å melde inn timesatsar føresette at dei oppfyller krava i retningslinjene (sjå nedanfor).
Timesatsane skal nyttast i FoU-prosjekt med tilskot frå Forskingsrådet, uavhengig om instituttet leier prosjektet eller inngår som samarbeidspartnar i eit faktisk samarbeid med prosjektansvarleg søkjar. Timesatsane skal også brukast i prosjekt finansierte gjennom grunnløyving frå Forskingsrådet eller andre offentlege etatar.
Slik melder du inn timesatsar til Forskingsrådet
Dei forskingsorganisasjonane som årleg blir inviterte til å melde inn timesatsar blir kontakta av Forskingsrådet i rimeleg tid før tidsfristen for innmelding.
Rundsumsats for institutt som vel å ikkje melde inn timesatsar
Forskingsorganisasjonar som ikkje ønskjer å melde inn timesatsar eller ikkje oppfyller krava, skal nytte rundsumsatsen for personalkostnader, som også blir nytta i UH-sektoren.
250624 Retningslinjer for beregning og innmelding av timesatser 2025 (pdf)
Meldinger ved utskriftstidspunkt 18. september 2025, kl. 21.59 CEST
Viktig informasjon
Til utlysingane med søknadsfrist 24. september kl. 13.00 betener vi vakttelefonen +47 22 03 72 00 måndag 22. september og tysdag 23. september kl. 08.00–15.45 og onsdag 24. september kl. 08.00–13.00.