I juni 2025 arrangerte vi ni dialogmøte over heile landet for å samle innspel til samfunnsoppdraget om berekraftig fôr. Over 250 deltakarar frå næringsliv, forsking, forvaltning og sivilsamfunn bidrog med konkrete forslag til korleis Noreg kan utvikle meir berekraftige fôrløysingar.
Leif Kjetil Skjæveland frå Skretting og medlem i styringsgruppa for samfunnsoppdraget i engasjert diskusjon.
Hovudfunn
- Det er brei semje om behovet for regelverksendringar, økonomiske insentiv, styrkt forsking og innovasjon, betre ressursutnytting og auka kompetanse i heile verdikjeda.
- For å lykkast må vi etablere tverrsektorielt samarbeid, det må bli lagt til rette for investeringar og det må utviklast infrastruktur og regelverk som støttar opp under måla.
- Regionale forskjellar viser at fleksible og stadstilpassa løysingar er viktige.
Vegen vidare
- Styresmakter og verkemiddelapparat må leggje til rette for rammevilkår og finansiering.
- Næringsliv, FoU-miljø og forbrukarar må bidra med utvikling, implementering og etterspurnad.
- Klyngjer og nettverk speler ei nøkkelrolle i å kople aktørane og sikre framdrift.
Dialogmøta har gitt eit solid grunnlag for vidare arbeid med samfunnsoppdraget om berekraftig fôr, og viser at det er stort engasjement og vilje til samarbeid på tvers av sektorar og regionar.