Simona deler reisa si frå forskar ved Universitetet i Oslo til rolla si i helseavdelinga i Forskingsrådet. Med lidenskap for helseinnovasjon og eit sterkt engasjement for å fremje norsk forsking, fortel ho om kva som motiverer henne og om korleis musikk og matlaging gir ho energi i fritida.
Namn: Simona Grasso
Stillingstittel: Seniorrådgivar i avdeling for helse og offentleg sektor
Kvifor jobbar du her?
– Eg håpar at eg med den faglege kunnskapen min og gjennom samarbeid med kollegaer kan bidra til at den beste norske forskinga blir skapt og utfordra, gjennomført og teken i bruk til nytte for samfunnet. Eg liker spesielt godt den strategiske måten vi jobbar på for å “setje kurs” på forskinga i Noreg.
Korleis kjende du til Forskingsrådet?
– Då eg tidlegare jobba som forskar ved Universitetet i Oslo, trudde eg at Forskingsrådet berre var ein rein finansieringsorganisasjon. Då kontrakten min ved UiO gjekk ut i 2019, dukka det opp moglegheit for ein seks månader lang kontrakt i Forskingsrådet. Men eg er her framleis – og har ikkje angra på det.
Korleis vil du beskrive arbeidsoppgåvene dine for ein som ikkje jobbar i Forskingsrådet?
– Eg jobbar særleg med nasjonal finansiering av helseforsking og helseinnovasjon, frå førebygging til diagnostikk, behandling og tenesteforsking. Eg har også ansvaret for å følgje opp dei europeiske partnarskapane for "Sjeldne sjukdommar" og for pandemiberedskap, to tema som eg brenn for. I tillegg til dette jobbar eg også med analyse av forskingsfinansiering.
Kva liker du aller best med jobben din?
– Eg liker variasjonen i arbeidsoppgåvene og eg liker å bli utfordra til å tenkje nytt og til å tenkje stort. Det får eg her. Eg liker også at vi i Forskingsrådet samarbeider med fleire andre offentlege forvaltningsorganisasjonar med tilgrensande ansvar.
Kva har du blitt mest overraska over ved Forskingsrådet etter at du starta?
– Arbeidsmiljøet og kompetansenivå på alle medarbeidarar. Det er veldig høgt. Eg vil også trekkje fram det gode og varierte tilbodet vi som tilsette her har, som til dømes kunstklubb, bedriftsidrettslag, aktivitetsdagar og bedriftshytte.
Kva liker du å gjere når du ikkje er på jobb?
– Litt ulikt, men musikk i ulike former som kor og dansing, er ein stor del av fritida mi. Eg syng i kor og får energi av musikken og songen i gruppa. Det same gjeld dansing. Musikk er medisin for kropp og sjel. I tillegg til det er eg glad i å lage god mat etter nonnas (bestemors) tradisjonsrike oppskrifter.
Ledige stillinger
Har du lyst til å være med å utvikle informasjonsforvaltning og innebygd arkivering i en organisasjon som tenker framover?
Vi søker en seniorrådgiver til fast stilling i Avdeling for HR, dokumentasjon og husdrift. Du har god teknolgisk kompetanse og erfaring med dokumentasjonsforvaltning og arkiv. Du er og interessert i utviklingen på fagområdet og kan bidra til videreutvikling av det.
Ønsker du å være med å forme samfunnsoppdraget om mer bærekraftig fôr som faglig rådgiver?
Bærekraftig fôr er ett av to viktige samfunnsoppdrag som regjeringen lanserte i den siste langtidsplanen for forskning og høyere utdanning. I forbindelse med dette skal det oppnevnes en styringsgruppe som skal gi faglige, strategiske råd til myndighetene for å nå målene i samfunnsoppdraget og det skal etableres et sekretariat for styringsgruppen. Forskningsrådet skal være vertskap for sekretariatet.
Bli oppdatert når nye stillinger legges ut:
Abonnér på stillinger