Planlagde utlysingar innanfor landbasert mat, landbruk og skog

Lenkjene under blir fortløpande oppdaterte.

Innovasjonsprosjekt

Utlysinga skal bidra til berekraftig verdiskaping og forvaltning i heile breidda av norsk landbruk, reindrift, skogbruk, skogforvaltning, trebruk og landbasert matindustri. Porteføljestyret har sett av om lag 50 millionar kroner til denne utlysinga som får løpande søknadsmottak og -behandling.

Sjå utlysinga: Innovasjonsprosjekt i næringslivet: Mat og bioressursar 2026

Klimatilpassing i norsk landbruk: kunnskap og samhandling for framtidig produksjon 

Midlane skal gå til forsking og innovasjon som gir klimatilpassingsløysingar for eit meir produktivt og berekraftig landbruk (jordbruk, skogbruk og reindrift) under endra klimaforhold. Porteføljestyret har sett av om lag 60 millionar kroner til denne utlysinga. Planlagd søknadsfrist er 10. juni.

Denne utlysinga er enno ikkje publisert.

Nyskaping i norsk mat- og landbruksteknologi

Utlysningen skal bidra til utvikling og bruk av teknologi innanfor landbruks- og matproduksjon. Porteføljestyret har sett av litt over 50 millionar kroner til denne utlysinga. Planlagd søknadsfrist er 10. juni.

Denne utlysinga er enno ikkje publisert.

Vidareføring av samarbeid om samanhengar mat, miljø, klima og folkehelse

Gjennom denne utlysinga støttar vi prosjekt som undersøkjer samanhengar og effektar mellom mat, miljø og/eller klima og folkehelse. Dette er tredje året vi har utlysing med denne tematikken.

Som tidlegare år må prosjekta vere samarbeidsprosjekt mellom forskingsorganisasjonar og bedrifter eller andre organisasjonar. Porteføljestyre har sett av litt over 30 millionar kroner til denne utlysinga. I tillegg kjem bidrag frå andre porteføljestyre. Den planlagde søknadsfristen er 20. mai 2026.

Denne utlysinga er enno ikkje publisert.

Etter årets utlysing planlegg vi ei utlysing om kunnskapsoppsummering på dette feltet i 2027, før det eventuelt kjem nye utlysingar i 2028 og vidare.

Vidareføring av samarbeid om samfunnstryggleik og beredskap

Prosjekta her må dreie seg om samfunnstryggleik og beredskap i Noreg. Søknaden må vere relevant for minst eitt av temaa beskriven i utlysingsteksten.

For aktørar innanfor mat, landbruk og reindrift er deltemaet om “nasjonal matsikkerheit og matforsyning (landbasert mat og/eller sjømat)” særleg relevant. Samla planlegg vi å tildele nærare litt over 300 millionar kroner til prosjekt under denne utlysinga.

Utlysinga er eit samarbeid mellom fleire porteføljestyre. Porteføljestyret for mat og bioressursar bidreg med noko i underkant av 40 millionar kroner. Planlagd søknadsfrist er 20. mai.

Sjå utlysinga: Forsking for auka samfunnstryggleik og beredskap

Internasjonalt samarbeid innanfor landbasert mat og landbruk, inkludert skog

Dyrehelse og dyrevelferd 

EU har kunngjort ein ny runde i partnarskapet for dyrehelse og dyrevelferd (EUPAHW). Planlagd skissefrist er 30. mars. Forskingsrådet har sett av litt under 30 millionar kroner for norsk deltaking inn i denne utlysinga. Du kan lese meir om denne utlysinga på nettsida til partnarskapet: https://EUPAHW.ptj.dei/call2

Sjå også meir om denne utlysinga på Forskingsrådets sider: Forming av framtidas dyrehelse og dyrevelferd

Matsystem og agroøkologi

Vi deltek også i utlysingar i partnarskapa “FutureFoods” om matsystem (Second Joint Transnational Co-funded Call — FutureFoodS) og “Agroecology” (3rd co-funded call - AGROECOLOGY Partnership). Skissefristen for dei siste 2025–2026-utlysingane i desse partnarskapa var i februar i år.

Skogbruk

Vi deltek også i det nye (2025) europeiske skogpartnarskapet «European Partnership for Forests, fôrestry, and the forest-based sector: Research and innovation for a Sustainable Transition (FOREST)».

Formålet med EUs skogpartnarskap er å samle dei sentrale aktørane i den europeiske skogsektoren, styrkje forsking og innovasjon og auke informasjonsutvekslinga i heile EU. Partnarskapet er ein del av EUs program for forsking og innovasjon, Horisont Europa.

Den første utlysinga av forskingsmidlar opnar truleg hausten 2026. Med eit anslått totalbudsjett på over 235 millionar euro, er planen å gi støtte til så mange som 250 forskingsprosjekt gjennom sju utlysingar i løpet av det kommande tiåret. Porteføljestyre for mat og bioressursar har sett av 15 millionar kroner for norsk deltaking i 2026-utlysinga i dette partnarskapet.

Støtte til arrangement

Vi gir støtte til arrangement som fremjar forsking og innovasjon innanfor mat og bioressursar. Til saman er det sett av inntil 2 millionar kroner (som dekkjer både blå og grøne bioressursar). Her behandlar vi søknadene fortløpande, så du kan søkje når som helst.

Sjå utlysinga: Støtte til arrangement  

Forskingsmidlane for jordbruk og matindustri

I tillegg til Forskingsrådets utlysingar nemnt her, vil vi om ikkje lenge også leggje ut detaljar rundt utlysingane vi administrerer på vegner av styra for Forskningsmidlene for jordbruk og matindustri. Dette gjeld både innovasjonsprosjekt (som blir planlagt med løpande søknadsmottak og -behandling, i alt 60 millionar kroner) og samarbeidsprosjekt (som blir planlagde med søknadsfrist 10. juni, i alt 115 millionar kroner).

Vi har her lista opp utlysingane for 2026 som rettar seg direkte mot landbasert mat, landbruk og skog, inklusive trebruk og reindrift. For meir informasjon om desse og om utlysingar som enno ikkje er publiserte, sjå investeringsplanen for porteføljestyret mat og bioressursar for 2026–2028.

Vi har også fleire andre opne utlysingar for forsking innanfor landbasert mat, landbruk og skog, inkluderte trebruk og reindrift, t.d. FRIPRO, banebrytande mogleggjerande teknologiar og SkatteFUNN. I tillegg er den store utlysinga frå Grønn plattform aktuell.