D.2 Økonomiregelverket i Horisont Europa: budsjettering og rapportering

Kurset gir ei grundig innføring i dei økonomiske reglane i Horisont Europa. Kurset dekke både søknadsfasen, med vekt på budsjettering og rundsum (lump sum), og rapporteringsfasen med dei viktigaste reglane. 

På kurset får du ein detaljert gjennomgang av korleis du set opp realistiske og rette budsjett, både for kostnadsbaserte prosjekt og rundsum-prosjekt. Du lærer å skilje mellom ulike kostnadstypar, forstå kva kostnader som er støttegodkjende, og korleis budsjettering påverkar gjennomføringa og rapporteringa for prosjektet.

Vidare vil du få innsikt i rapporteringsprosessen, med særleg vekt på korleis du dokumenterer og rapporterer faktiske kostnader på ein korrekt måte. Du lærer korleis du bereknar lønnskostnader, handterer underleverandørar, reiseutgifter og indirekte kostnader. Gjennom øvingar vil du utvikle tryggleik i å setje opp og kvalitetssikre økonomiske rapportar, slik at du kan sikre god økonomistyring og etterleve krava frå Horisont Europa.

Europa Media er kurshaldar og kurset blir gjennomført på engelsk. Finn fullstendig beskriving av kursa med program på dei engelske sidene våre. 

---

Forskingsrådet tilbyr ei strukturert kursrekkje for søkjarar til Horisont Europa. Kursa er organiserte etter tema, prosjektrolle og erfaringsnivå. 

Introduksjonskursa (serie A og E) passar for alle roller, medan serie B, C og D er tilpassa spesifikke roller i eit prosjekt. 

D. Økonomi og budsjettering

Kursa i D-serien passar for økonomiansvarlege, controllere og prosjektleiarar med ansvar for budsjettering og økonomirapportering i Horisont Europa-prosjekt.

Du finn ei beskriving av alle kursa på nettsida vår.

D.1 Grunnkurs i budsjettering og finansiering i Horisont Europa
D.2 Økonomiregelverket i Horisont Europa: budsjettering og rapportering
D.3 Avanserte økonomireglar for Horisont Europa
D.4 Kontroll og revisjon av prosjekt i Horisont Europa