Innspelsmøte om ny porteføljeplan for Portefølje for samisk samfunn og kultur

Det går no føre seg arbeid med ein ny porteføljeplan for Portefølje for samisk samfunn og kultur og Forskingsrådet inviterer til eit digitalt innspelsmøte for denne planen.

Porteføljeplanane er styringsdokument som skal bidra til føreseielegheit for både søkjarar og finansierande departement. Dei er korte og overordna, og blir konkretiserte i ein investeringsplan som blir oppdatert årleg.

I møtet vil mål, prioriteringar og tiltak i utkastet til porteføljeplan bli gjennomgått. Måla følgjer opp Langtidsplanen for forsking og høgare utdanning, måla for Forskingsrådet og strategien vår. Prioriteringar og tiltak viser korleis porteføljestyret vil prioritere innanfor handlingsrommet sitt.

Deltakarane vil få høve til å gi innspel til planane i møtet. Det vil bli lagt ut eit utkast til plan i forkant av møtet.