Evaluering av samfunnsvitskap

Vi har brukt resultata frå tidlegare evalueringar som grunnlag for forskingspolitiske råd til regjering og relevante departement, og til å utvikle nye verkemiddel som til dømes Senter for framifrå forsking (SFF) og Unge forskartalent. Vi ønskjer også å leggje til rette for at evalueringane skal vere til nytte for utvikling av institusjonane sine eigne FoU-strategiar.

Etter gjennomførte evalueringar vil vi vurdere eigna tiltak for å følgje opp tilrådingane frå ekspertkomiteane. Vi vil i tillegg gå i dialog med aktuelle departement om strategisk oppfølging av evalueringane.

Digitalt informasjonsmøte 10. juni

Den nye fagevalueringa rettar seg mot universitets- og høgskulesektoren, instituttsektoren og andre institusjonar med samfunnsvitskapleg forsking. Vi forventar at aktuelle forskingsmiljø deltek i evalueringane, sjølv om avgjerd om deltaking blir gjord ved kvar enkelt institusjon.

Det er sendt ut brev om påmelding til aktuelle institusjonar.

Frist for påmelding er torsdag 20. august 2026. Påmeldingsfristen gjeld både påmelding til fagevaluering av humaniora og samfunnsvitskap.

Vi arrangerer eit digitalt informasjonsmøte om påmeldinga som rettar seg mot kontaktpersonar og leiing ved institusjonane som er aktuelle deltakarar i evalueringane.

Digitalt informasjonsmøte: onsdag 10. juni 2026, kl. 15.00–16.00.

Lenke til Zoom-møte 

Vi legg ut opptak av møtet her i etterkant.

Prosessen framover

Vi kjem til å lage ein evalueringsprotokoll som beskriv roller, prosessar og ansvarsfordeling i evalueringsarbeidet. Protokollen vil definere evalueringseiningar, evalueringskriterium, prosess og leveransar i form av rapportar til Forskingsrådet og dei evaluerte einingane.

Etter sommaren 2027, vil vi gå i dialog med dei aktuelle miljøa på fakultetsnivå og/eller instituttleiing om utforming av eigenevaluering for innhenting av relevante evalueringsdata frå institusjonane. Vi vil også konsultere deltakarane i evalueringa om inndeling av administrative einingar i evalueringskomitear, og innhente forslag til fagekspertar.

Vi vil utvikle eigenevalueringsmålar hausten 2027 med mål om å sende bestilling av eigenevalueringar til institusjonane ved årsskiftet 2027–2028.