Formidlingsprisen
Forskingsrådets formidlingspris blir gitt til ein forskar som har utmerkt seg med levande og nyskapande kommunikasjon av høg kvalitet frå eige fagfelt. Alle typar formidling i alle typar medium, og både langvarig innsats og enkeltståande tiltak, kan premierast.
Fristen for å foreslå kandidatar til prisen for 2026 er no utløpt.
Vedtekter for formidlingsprisen
- Formålet med Forskingsrådets formidlingspris er å lønne og stimulere til formidling av forsking frå eige fagfelt overfor eit breitt publikum.
- Formidlinga må vere av høg kvalitet både i form og innhald. Alle typar formidling i alle typar medium, og både langvarig innsats og enkeltståande tiltak, kan premierast. Det blir lagt vekt på den evna kandidaten har til å vere kreativ og nyskapande.
- Prisen kan også tildelast for arbeid knytt til etiske problemstillingar innanfor forsking.
- Vi føreset at summen blir nytta til eigenkvalifisering i formidling eller til formidlingstiltak.
- Prisen blir normalt gitt til éin mottakar, men ein kan også gi han til fleire som har samarbeidd om eit felles formidlingstiltak.
- Prisen kan også bli gitt til enkeltpersonar eller organisasjonar som på ein framifrå måte fremjer og formidlar forsking til breie lag av befolkninga.
- Prisen blir lyst ut offentleg. Forslag på kandidatar til prisen skal innehalde ei fyldig grunngiving. Det er ikkje høve til å fremje sitt eige kandidatur til prisen.
- Kandidatane blir vurderte av ein intern komité som nominerer dei fem til sju beste kandidatane. Desse blir deretter vurderte av ein jury oppnemnt av Forskingsrådets styre.
- Prisen er på 500 000 kroner og blir delt ut på et arrangement i regi av Forskingsrådet.
Meldinger ved utskriftstidspunkt 6. november 2026, kl. 07.48 CET
Vakttelefon til søknadsfrist
Vakttelefonen +47 22 03 70 00 er open måndag 9. og tysdag 10. november kl. 08.00–15.45, og onsdag 11. november kl. 08.00–13.00.
Viktig informasjon
I tidsrommet frå kl. 18.00 fredag 6. november til kl. 23.00 laurdag 7. november planlegg vi ein oppdatering av søknadssystemet vårt. I denne perioden vil det periodevis vere stengt for innlogging, og du vil kunne oppleve ustabilitet. Vi beklagar ulempene dette fører med seg. Vi jobbar kontinuerleg med å forbetre løysinga og håpar du vil vere tolmodig med oss.