Forskingsrådet innfører nytt og meir brukarvennleg søknadsskjema i 2026

Vi har tre overordna mål for det nye søknadsbehandlingssystemet:

1. betre tenester for søkjarane
2. auka effektivitet i forvaltninga
3. betre innsikt i og analyse av data

Nytt skjema vil bli teke i bruk i takt med utlysingane som kjem utover våren. 

Meld deg på webinaret Endringer i søknadsbehandling og nytt søknadsskjema (29. januar).

Kva betyr endringane for deg som søkjar?

Dette er nokre av dei viktigaste endringane som du som søkjar vil oppleve: 

• Du får ei tryggare innlogging i staden for passordløysing. Vi bruker fellesløysingar som allereie er utvikla, som ID-porten, Brønnøysundregisteret og Folkeregisteret.
• Du får eit meir brukarvennleg og universelt utforma grensesnitt. 
• Det vil bli enklare å sjå kva du som søkjar blir vurdert på gjennom tydelegare inndeling på kriterium.
• Vi har lagt inn automatisk berekning av mogleg tilskot per søknad. Prosjektbeskrivinga skal i det nye systemet skrivast direkte inn i søknadsskjemaet og ikkje som eit eige vedlegg.  

SkatteFUNN-søkjarar byrja å bruke systemet i 2024.

Søkjarundersøkingar viser at søkjarane synest det nye systemet er lett å bruke og fungerer godt.