Det var to store søknadsfristar i februar. Til fristen for Forskarprosjekt 8. februar fekk vi 683 søknader; til fristen for Kompetanse- og samarbeidsprosjekt 15. februar fekk vi 395.
Har du søkt til februarfristane? Sjå eventuelt
- behandlingsprosedyre for Forskerprosjekt-søknader i 2023
- behandlingsprosedyre for Kompetanse- og samarbeidsprosjekt
53 prosent av prosjekta det blir søkt om, har mannleg leiar, 47 prosent har kvinneleg leiar.
Forskarprosjekt for fornying: 580 søknader – søkt om i alt 5,8 milliardar kroner
Stort, tverrfagleg forskarprosjekt: 3 søknader – 100 millionar kroner
Unge forskartalent: 100 søknader – 786 millionar kroner
Samarbeidsprosjekt: 334 søknader – 4,3 milliardar kroner
Kompetanseprosjekt: 61 søknader – 738 millionar kroner
For meir informasjon, sjå statistikk (tableau.com). Vel søknadsfrist t.h. på sida. Statistikken gjeld siste søknadsfrist. Vel 8. februar (Forskerprosjekt) og/eller 15. februar (Kompetanse- og samarbeidsprosjekt).
Du finn meir informasjon om dei ulike utlysingane på denne sida: Aktuelle utlysingar - søk om midlar frå Forskingsrådet – vel "Gjennomførte".
- Kompetanse- og samarbeidsprosjekt er ei nyare ordning for å utvikle ny kunnskap og byggje forskingskompetanse som samfunnet eller næringslivet treng for å møte viktige samfunnsutfordringar.
- Her er samarbeid mellom forskingsmiljø og aktørar som ikkje er frå universitet, høgskular eller institutt, eit krav.
- Eit formål er å fremje samarbeid på tvers av sektorar. Initiativet til prosjektsamarbeidet kan komme frå alle partar. Partnar(ane) bidrar med problemstillinga, mens forskingsorganisasjonen leier prosjektet og sender søknaden.