Innspelsmøte om ny porteføljeplan for Portefølje for forsvarsevne, tryggleik og beredskap

Det går no føre seg arbeid med ein ny porteføljeplan for Portefølje for forsvarsevne, tryggleik og beredskap. Forskingsrådet inviterer til eit digitalt innspelsmøte for denne planen.

Porteføljeplanane er styringsdokument som skal bidra til føreseielegheit for både søkjarar og finansierande departement. Dei er korte og overordna, og blir konkretiserte i ein investeringsplan som blir oppdatert årleg. Prioriteringar og tiltak viser korleis porteføljestyret vil prioritere innanfor handlingsrommet sitt.

Deltakarane vil få høve til å gi munnleg innspel til planane i møtet. Det vil bli lagt ut eit utkast til plan i forkant av møtet.

Det vil gjerast transkribering av møtet.

Du kan lese meir på nettsidene våre om porteføljane og Portefølje for forsvarsevne, tryggleik og beredskap.

Vel møtt!