Open digital kafé: Utlysingar Resource for AI Science in Europe (RAISE)

Kunstig intelligens (KI) er viktig for at Europa skal leie an teknologisk og vere konkurransedyktig. KI kan gjere forsking og innovasjon betre. Derfor har Europakommisjonen starta RAISE (Resource for AI Science in Europe). 

I perioden 2026–2027 vil det komme nye utlysingar gjennom Horisont Europa. Då skal det lagast prøveprosjekt med virtuelle forskingssenter. Desse sentera skal jobbe med både vitskap for kunstig intelligens og kunstig intelligens for vitskap. Temaa er jordbruk, miljøforureining, materialvitskap og mat. Målet er å finne nye løysingar der kunstig intelligens og tradisjonell forsking møtest. 

På dette arrangementet får du vite meir om kva Raise-initiativet ønskjer å oppnå, og korleis du kan førebu deg til å bli med i framtidige KI-nettverk, KI-støtta automatiserte laboratorium og nettverk for doktorgradsstudentar. Du får god tid til å stille spørsmål og diskutere med andre deltakarar. 

Arrangementet er ope for alle, og passar for deg som vil delta i internasjonale nettverk innan kunstig intelligens eller vil lære meir om EUs pilotprosjekt RAISE. Kafeen blir arrangert av nasjonale kontaktpersonar (NCP-ar) for Klynge 4, Klynge 6 og Marie Sklodowska-Curie Actions (MSCA) i Horisont Europa.