Innspelsmøte del 2 i vegkartet for forskingsinfrastruktur - energi og transport

Før vi lyser ut nye midlar under Nasjonal satsing på forskingsinfrastruktur, oppdaterer vi vegkartet som fungerer som ein rettleiar for dei som søkjer. Den neste utlysinga er planlagt til november 2025.

Vi inviterer til innspelsmøte for temaområdet om energi og transport i del 2 i vegkartet. Vi ønskjer tilbakemeldingar på om vi har skildra behovet for forskingsinfrastruktur innan dette feltet tydeleg, eller om det finst viktige manglar som vi ikkje har fanga opp.

Sjå utkast til nytt vegkart: Norsk vegkart for forskingsinfrastuktur - innspelsversjon.pdf.

Møtet startar med ein kort introduksjon. Etterpå får deltakarane høve til å kome med korte, munnlege innspel (3-5 min) om vegkartet.

Om du ikkje får sagt det du ønskjer under møtet, kan du sende skriftlege innspel i chat’en (maks 2 sider). Vi oppmodar institusjonane til å koordinere innspela sine.

Porteføljestyret for Forskningssystemet vil vedta det oppdaterte vegkartet på møtet 17. september 2025.