Innspelsmøte til nasjonal kvantestrategi

Regjeringa har bestemt at Noreg skal lage ein nasjonal strategi for kvanteteknologi. Difor har Kunnskapsdepartementet gitt Forskingsrådet, Innovasjon Noreg og Nasjonalt tryggingsorgan (NSM) i oppdrag å lage eit kunnskapsgrunnlag. Strategien skal omfatte forsking, innovasjon, næringsutvikling, tryggleik og internasjonalt samarbeid. Hovudarbeidet med strategien skjer i 2026.

Forskingsrådet inviterer no til eit ope innspelsmøte. Vi ønskjer å høyre innspel om:

• Kor norsk kvanteforsking står sterkast, og korleis næringslivet kan nytte denne kunnskapen til å utvikle nye produkt og tenester.

• Kva samfunnsområde og sektorar som blir mest påverka av kvanteteknologi. 

• Korleis vi bør samarbeide nordisk og internasjonalt. 

• Korleis vi kan byggje eit velfungerande økosystem nasjonalt.

Program

• Velkommen v/Forskingsrådet, Innovasjon Noreg og Nasjonalt tryggingsorgan 
• Innlegg frå inviterte 
• Korte innlegg (inntil 3 minutt) frå deltakarar – utan powerpoint
• Oppsummering og vegen vidare