Hentar 13 nye forskartalent til Noreg

– Eg er svært glad for at vi no får endå fleire talentfulle forskarar til Noreg gjennom denne ordninga. Det viser at Noreg er eit attraktivt land for forsking, med stabile og føreseielege rammevilkår. Mange forskingsmiljø internasjonalt opplever no uvisse og kutt. Dette styrkjer både norsk forsking og tilknytinga vår til den globale kunnskapsfellesskapen, seier forskings- og høgare utdanningsminister Sigrun Aasland (Ap).

10 av forskarane kjem frå amerikanske institusjonar

Eit fleirtal av forskarane som no kjem til Noreg er i dag knytt til forskingsinstitusjonar i USA. Forskarane kjem mellom anna frå Stanford University, Columbia University og Lawrence Berkeley National Laboratory. Dei tre andre forskarane kjem frå India, Kina og Canada.

– Det er svært positivt at det er så stor interesse for denne nye ordninga. Forskarane som no kjem har kompetanse innan eit breitt spekter av fagområde, mellom anna naturvitskap, ingeniørvitskap, teknologi og samfunnsvitskap, seier administrerande direktør i Forskingsrådet Mari Sundli Tveit.

Om ordninga

Totalt skal det delast ut 300 millionar kroner gjennom ordninga fram til 2029. Den første tildelinga vart gjennomført i 2025, med støtte til sju prosjekt i år og endå sju i 2026. No er 13 nye prosjekt vurderte som støtteverdige og vil få midlar i 2026. Utlysinga er framleis open, og fleire institusjonar kan søkje om støtte.

• Henter 14 internasjonale toppforskere til Norge gjennom ny ordning
• 100 millioner kroner til internasjonal forskerrekruttering – slik blir den nye ordningen

Desse får no støtte