43 millionar til 6 prosjekt som skal forske på forskings- og innovasjonssystemet

Prosjekta skal forske på korleis det skal leggjast best mogleg til rette for at kunnskap blir teken i bruk og på samspel mellom forsking og brukarar. Forskarane skal også forske på korleis forskings- og innovasjonssystemet kan bidra best mogleg til ei berekraftig omstilling av samfunnet. 

Cathrine Egeland og kollegaer frå Arbeidsforskningsinstituttet ved OsloMet skal forske på korleis ansvarleg internasjonalisering i den norske forskingssektoren kan utøvast i ein i ei tid med geopilitisk uvisse. I arbeidet skal ho samarbeide med KIF-komiteen, LO, UTSYN - senter for tryggleik og totalforsvar og advokatfirmaet Helmer. 

Halvor Johannes Dannevig, frå Stiftinga Vestlandsforskning, skal undersøkje i kva grad og korleis samskaping bidreg til omstilling i det norske klima- og energiforskingssystemet. Samarbeidspartnarar i prosjektet er Vestland og Nordland fylkeskommune, miljøorganisasjonen Sabima, KS og Miljødirektoratet. 

Vivian Anette Lagesen, frå NTNU HF, skal kartleggje og analysere involveringa til brukarpartnarane og engasjement i forsking. Målet er mellom anna å gi ei betre forståing av samspelet mellom forsking, samfunn og næringsliv og korleis forsking kan bidra til å løyse store samfunnsutfordringar. Ho skal samarbeide med Trondheim kommune, Trøndelag fylkeskommune og teknologiselskapet Kantega AS. 

Dei andre prosjekta som får midlar skal forske på forskingsvurderingsreformer i det norske forskingssystemet, korleis «impact», eller effektar, oppstår i forsking der forskarar og brukarar samarbeider og korleis ein kan byggje og forsterke transformativ kapasitet blant nøkkelaktørar i innovasjonsdistrikt. 

Følgjande seks nye prosjekt fekk støtte, med totalt 43 millionar kroner: