Endrar ordlyden i utlysing
Forskingsrådet justerte tidlegare i år innretninga på kravet til stipend for utanlandsopphald for doktorgrads- og postdoktorstipendiatar i samband med innføring av plan for rekruttering til forsking og tidleg karriere.
Benedicte Løseth, Områdedirektør - forskingssystemet og internasjonalisering, Forskingsrådet.
Intensjonen vår er å styrkje tilknytinga til Noreg, slik at forskartalent frå norske institusjonar får internasjonal erfaring og inngår i internasjonale nettverk.
Khrono hadde 31. oktober eit oppslag som viser at enkelte konsekvensar av denne endringa ikkje er i tråd med intensjonen.
Endringa, slik ho er formulert no, gir ein utilsikta konsekvens for dei som har ei sterk tilknyting til Noreg utan å ha mastergrad eller doktorgrad frå ein norsk institusjon, noko som var tilfelle for seniorforskar Anwesha Dutta ved Chr. Michelsens Institutt.
Forskingsrådet ønskjer derfor raskt å korrigere dette ved å endre ordlyden i utlysinga til at det er "krav om mastergrad eller doktorgrad frå ein norsk forskingsorganisasjon eller bustad eller arbeid i Noreg i minst 12 månader dei siste sju åra".
Formålet er framleis at utanlandsstipendet er meint for utgåande internasjonal mobilitet frå norske forskingsinstitusjonar.
Meldinger ved utskriftstidspunkt 9. september 2025, kl. 17.04 CEST