Tidlegfase-forum: Nyskaping og kommersialisering av forskingsresultat

Korleis kan Noreg bli betre til å omsetje forsking og kunnskap til innovasjon, nye verksemder og auka verdiskaping?

Behovet for å styrkje konkurransekraft og produktivitet står høgt på dagsordenen i Europa. Både Draghi-rapporten og den norske oppfølginga peikar på innovasjon, teknologiutvikling og raskare bruk av forsking som avgjerande for framtidig vekst og omstilling.

På Tidlegfase-forum 2026 samlar vi representantar frå politiske miljø, innovasjonsaktørar i akademia, verkemiddelapparatet og gründer- og investormiljø. Vi diskuterer korleis Noreg kan styrkje konkurransekrafta gjennom raskare kommersialisering av forskingsresultat, meir forsking i bruk og fleire forskingsbaserte vekstbedrifter.

Vi får perspektiv frå norske og internasjonale aktørar, og diskuterer kva som skal til for å styrkje heile kjeda frå forsking til marknad.

Tema for diskusjonen:

• Korleis kan Noreg få meir verdiskaping frå offentlege investeringar i forsking?
• Kva hindrar forskingsbasert innovasjon i å skalere raskare?
• Korleis kan vi styrkje samspelet mellom forskingsmiljø, kapital og næringsliv?
• Kva rolle bør verkemiddelapparatet spele for å få fleire forskingsbaserte vekstbedrifter?
• Kva kan vi lære av utviklinga i Europa og våre nordiske naboland?

Arrangementet er fysisk, men med moglegheit for å kunne delta digitalt.