Spørjetime: utlysingar i porteføljen for forsvarsevne, tryggleik og beredskap

Ønskjer du å søkje, eller bli med i ein søknad, til ei av desse utlysingane?

• Samarbeidsprosjekt for eit meir datadrive forsvar
• Senter for forsvarsevne, tryggleik og beredskap
• Obligatorisk skisse for senter for forsvarsevne, tryggleik og beredskap

I dette webinaret svarer vi på spørsmål om desse utlysingane. Vi tilrår at du les utlysingstekstane nøye før du er med på webinaret.

Du kan også sjå ein informasjonsvideo om senter for forsvarsevne, tryggleik og beredskap: Senterutlysing for forsvarsevne, tryggleik og beredskap

Vi ønskjer deg velkommen!

Meld inn spørsmål før webinaret

Du kan gjerne leggje inn spørsmål i møtechatten før webinaret. Sånn gjer du det:

Finn fram e-posten du har fått då du melde deg på (påmeldingsstadfesting). I e-posten finn du lenka  der det står “Slik blir du med”. Klikkar du på den, får du opp strøymesida med chat-funksjon til høgre. Du må registrere deg med namn i chatten før du kan leggje inn spørsmål.

Dersom du deler spørsmål med oss seinast ein dag før webinaret, gir du oss tid til å førebu svaret. Spørsmåla vil vere synlege berre for oss som modererer chatten.

Du vil også kunne leggje inn spørsmål i chatten under webinaret.