Bli med i nye internasjonale forskarnettverk som springbrett til Horisont Europa
Norske forskarar og bedrifter kan no søkje om å bli med i 80 nye COST-nettverk som startar opp i 2026. Forskingsrådet erfarer at deltakarane i desse nettverka har auka sjansar for å lykkast i EUs Horisont Europa, det største forskings- og innovasjonsprogrammet i verda.
Nettverka, i regi av European Cooperation in Science and Technology (COST), er internasjonale nettverk mellom forskarar og dekkjer alle fag, disiplinar og sektorar.
Deltakarane bringar inn si eiga forsking i nettverket og COST gir støtte til møte, seminar og konferansar i nettverket, sommarskular og korte forskingsopphald. COST finansierer ikkje forsking.
Høg norsk interesse
Det er høg interesse her i Noreg for å delta i nettverka, og norske aktørar deltek i nærare 90 prosent av dei rundt 300 aktive nettverka. Ifølgje ein spørreundersøking frå Forskingsrådet er kvar tredje norske deltakar med i ein Horisont-søknad eller planlegg ein søknad saman med andre deltakarar frå nettverket.
Kan opne mange dører
Fleire norske deltakarar Forskingsrådet har vore i kontakt, med meiner det er verdifullt å delta i COST-nettverk for å danne konsortium til Horisont Europa-søknader og annet prosjektsamarbeid.
Særleg forskarar tidleg i karrieren kan ha nytte av å delta i COST-nettverk.
- Det er ein god inngang til internasjonalt samarbeid og eit høve til å utvikle eit personleg fagleg nettverk som kan opne mange dører, seier Trude Dypvik, spesialrådgivar i Forskingsrådet.
Ta kontakt viss du vil delta
Ta kontakt med oss i Forskningsrådet så snart som mulig om du ønsker å bli med. For å bli vurdert i den første runden av oppnevningar til desse nye nettverka må du kontakte oss aller seinest 15. juni. Send ein e-post til: COST-CNC@forskningsradet.no
Forskingsrådet vil be dei som er interesserte i delta om å sende ein kort søknad etter ein nærare angitt mal saman med CV-en sin. Dette gjeld også dei som har vore "secondary proposers" i søknadsprosessen.
Les også 80 new COST Actions approved - COST.
Positive erfaringar frå norske deltakarar i COST-nettverk
Utlysinga for å søkje om å opprette nye COST-nettverk opnar 31. juli og søknadsfristen er 28. oktober 2026. Meir informasjon her: Open Call: A Simple One-Step Application Process
Vennlig hilsen COST koordinatorene i Norge: Trude Dypvik og Hilde Garegg Gårdsmoen, cost-CNC@forskningsradet.no.
Meldinger ved utskriftstidspunkt 27. mai 2026, kl. 10.14 CEST
Stor pågang
I forbindelse med søknadsfristen 27. mai og overgangen til nytt søknadssystem, får vi nå mange henvendelser. Derfor kan det ta lenger tid enn vanlig før du får svar. Vi svarer deg så raskt vi kan. Det er lurt å lese gjennom informasjonen vår om det å søke i nytt søknadssystem før du tar kontakt med oss. Her står det mye nyttig.
Viktig varsel
Til utlysingane med søknadsfrist 27. mai kl. 13.00 betener vi vakttelefonen +47 22 03 70 00 torsdag 21. mai, fredag 22. mai og tysdag 26. mai kl. 08.00–15.00 og onsdag 27. mai kl. 08.00–13.00.