200 millionar kroner til forsking i industri og tenestenæringane
17 norske bedrifter kan no setje i gang innovasjonsprosjekt. Dei skal mellom anna forske på korleis ein kan redusere klimagassutslepp frå betong, korleis miniorgan i 3d kan brukast for å gi diagnose og behandle sjukdommar og korleis ein kan utvikle system for meir effektiv samhandling mellom menneske og kunstig intelligens.
– Vi treng meir kunnskap og at kunnskapen blir teken raskare i bruk. Dette er avgjerande for å styrkje konkurransekrafta til næringslivet. Prosjekta som har fått støtte bidreg til utvikling av nye produkt og prosessar, som gir auka verdiskaping i norsk næringsliv, seier næringsminister Cecilie Myrseth.
– Eg er glad for at mange bedrifter satsar på forsking når dei skal utvikle nye produkt og tenester. Å bruke forsking aktivt styrkar konkurranseevna til norsk næringsliv. Det er avgjerande for at Noreg lykkast med den grøne, digitale omstillinga, seier forskings- og høgare utdanningsminister Sigrun Aasland.
Forskingsrådet har opplevd rekordstor søking frå næringslivet det siste året. Søknadene held gjennomgåande veldig høg kvalitet.
– Desse prosjekta er glitrande døme på den store omstillingsviljen og kreativiteten i heile breidda av norsk næringsliv – i alle bransjar og alle typar bedrifter, seier administrerande direktør i Forskingsrådet Mari Sundli Tveit.
Mellom anna får…
- AF DECOM AS i Oslo 16 millionar kroner for å forske på korleis ein kan redusere klimagassar frå betong. Betong er ei stor kjelde til klimagassutslepp, hovudsakleg frå sementproduksjon, og utgjer ein stor del av avfallet i byggjebransjen, med cirka 1,5 millionar tonn betongavfall årleg i Noreg. Målet er å utvikle betong med lågare karbonavtrykk ved mellom anna å erstatte sement med alternative lågkarbon-bindemiddel, biokol og resirkulert tilslag. Prosjektet ønskjer å leggje til rette for at sirkulær betong blir meir kommersielt tilgjengeleg.
- Zenit Science AS i Trondheim får 10 millionar kroner for å utvikle organoider. Organioder er mini-organ i 3d laga av menneskelege celler og som kan erstatte dyreforsøk ved til dømes sjukdomsmodellering og uttesting av medisinar, kjemikaliar og genterapi. Bedrifta ønskjer å forske på korleis ein kan langtidslager og oppskalere slike mini-organ. Resultata av prosjektet kan verke positivt inn på utviklinga av nye diagnostiske verktøy og behandlingar for ulike menneskelege sjukdommar.
- KNOWIT AS får 16 millionar kroner for å utvikle løysingar for KI-integrasjon som gjer samarbeidet mellom menneske og kunstig intelligens-agentar i tverrfaglege team meir effektivt. Samarbeidet mellom menneske og KI-agentar markerer eit paradigmeskifte, men sjølv om dette allereie er eit framtidsscenario mange føreser, manglar det forsking på korleis teknologi for korleis samspelet best kan fungere i praksis.
Desse får tildeling
|
Bedrift |
Prosj.tittel |
Søkt beløp (i 1000 kroner) |
Kommune |
|
AF Decom AS |
BetongHUB - Berekraftig betongproduksjon |
16000 |
OSLO |
|
ALUDYNE NORWAY AS |
CASTiNET – Casting Through intelligent, Enhanced Technologies |
16000 |
FARSUND |
|
Arundo Analytics AS |
AIDA: Towards the autonomous factory |
9000 |
OSLO |
|
Cardiaccs as |
Gyro-and Accelerometer-Based Monitoring of Heart Function after Surgery |
4922 |
OSLO |
|
CHIRON AS |
Certified Reference Materials for Small Micro and Nano Plastic Analysis including Tire Wear |
6002 |
TRONDHEIM |
|
HM NE v/ Heidelberg Materials Sement Norway AS |
FACILE-CPR: Freeze-thaw Assessment of Concrete in the Laboratory versus outdoor Exposure under the new Construction Products Regulation |
10455 |
OSLO |
|
HYDRO ALUMINIUM AS |
Next generation billets for structural aluminium extrusions |
16000 |
OSLO |
|
HYDRO EXTRUDED SOLUTIONS AS |
Hydro Additive Manufacturing of Extrusion Tools – Directed Energy Deposition |
14700 |
OSLO |
|
K A RASMUSSEN AS |
Development of an integrated process to improve the recovery of critical raw materials from waste printed circuit boards. |
15976 |
HAMAR |
|
KNOWIT AS |
Heilskapleg løysing for AI-integrasjon i norske organisasjonar |
16000 |
OSLO |
|
NORTHSTAR - IMPACT ANALYTICS AS |
Orion - Translating impact from vague assumptions to an intangible value in the P&L |
16000 |
OSLO |
|
PEOPLE AT WORK AS |
Datadrivne prosessar for reduksjon av sjukefråvær. |
6250 |
OSLO |
|
RANHEIM PAPER & BUARD AS |
Framtidas laminat basert på resirkulerte råvarer |
8250 |
TRONDHEIM |
|
SHAPEMAKER AS |
TowerUP project - Sustainable and circular solution for tower infrastructure. |
12003 |
OSLO |
|
SKANSKA NORGE AS |
MINDRE - optimering for redusert ressursforbruk og mindre avfall |
8000 |
OSLO |
|
VITROSCOPE AS |
vitro.scale - industrial scale high content cell research in physiological condictions |
16000 |
TRONDHEIM |
|
Zenit Science AS |
Optimizing and Automating Human 3d Organoids for Preclinical Testing and Drug Discovery |
10000 |
TRONDHEIM |
Meldinger ved utskriftstidspunkt 5. april 2026, kl. 03.54 CEST
Viktig varsel
Det er planlagt nedetid for SkatteFUNN fra fredag 27. mars kl. 12 til onsdag 8. april kl. 7. Det er ikke mulig å sende inn en søknad i løpet av nedetiden.