Instituttsektoren
Forskingsinstitutta skal bidra med forsking av høg kvalitet og relevans for næringsliv, forvaltning og samfunnet elles. Forskingsrådet har eit strategisk ansvar for instituttsektoren. Grunnløyvinga er det viktigaste instrument vi har for å vareta dette ansvaret.
Vi står for ulike publikasjonar knytte til oppfølgjinga av grunnløyvingane for institutta og utviklinga av instituttpolitikken.
I alle FoU-prosjekt med tilskot frå Forskingsrådet kan forskingsinstitutta budsjettere med timesatsar dei sjølv har berekna og fastlagt, basert på faktiske kostnader og effektiv drift. Timesatsane skal meldast inn til Forskingsrådet kvart år. Sjå framgangsmåte og retningslinjer for innmelding av timesatsar.
Formålet med grunnløyvinga er å sikre at forskingsinstitutta kan tilby næringsliv, offentleg sektor og/eller samfunnsliv forskingstenester av høg internasjonal kvalitet.
Etter avtale med Forskingsrådet, innhentar SSB nøkkeltal frå forskingsinstitutt som er underlagde retningslinjer for statleg grunnløyving. Her finn du figurar og tabellar over desse innsamla tala. Tala er oppdaterte fram til 2021.
Fleire nøkkeltal for forskingsinstitutta
Sida med nøkkeltal er under utvikling og er oppdatert til og med 2021. For nyare tal for arenarapportane kan de laste ned Excel-filer direkte herfrå. Dato for når filene er oppdaterte ligg i filnamnet:
Retur-EU er ein kompensasjonsordning for deltaking i Horisont Europa. Gjennom ordninga blir organisasjonar kompenserte for noko av gapet mellom finansieringa frå EU og dei faktiske kostnadene i prosjektet.