Søkjarwebinar: INTPART Internasjonale partnarskap for framifrå utdanning, forsking og innovasjon

INTPART støttar etablering av internasjonale partnarskap for framifrå utdanning, forsking og innovasjon og er samadministrert av Direktoratet for høgare utdanning og kompetanse (HK-dir) og Forskingsrådet.

Formålet med utlysinga er å utvikle verdsleiande fagmiljø i Noreg gjennom langsiktig internasjonalt institusjonelt samarbeid.

Delmåla for INTPART er:

• Varige internasjonale partnarskap som aukar kvaliteten på høgare utdanning og forsking i Noreg
• Gode koplingar mellom høgare utdanning og forsking
• Samarbeid med arbeids- og næringsliv for auka kvalitet og relevans

Målgruppa for webinaret er norske universitet, høgskolar og andre forskingsorganisasjonar som vil søkje midlar til samarbeid med partnarar i Brasil, Canada, Frankrike, India, Japan, Kina, Russland, Sør-Afrika, Sør-Korea, Tyskland og USA.

Du vil få informasjon om programmet og årets utlysing, samt rettleiing og tips til søknadsskrivinga.