Kven jobbar i Forskingsrådet?
Forskingsrådet har tilsette med tung kompetanse innan sine fagfelt, og dei fleste som arbeider her har arbeidserfaring frå forsking, næringsliv, forvaltning eller administrasjon.
Vi har ei balansert alders- og kjønnssamansetjing og ved tilsetjingar legg vi vekt på likestilling og etnisk mangfald. Dette er ei bevisst satsing for å sikre samansett og variert kompetanse i Noregs forskingsråd.
Kven søkjer vi?
Vi ønskjer å tilsetje engasjerte og dugande menneske som kan medverke til å utøve Noregs forskingsråds samfunnsoppdrag på best mogleg måte.
Når vi rekrutterer – nyutdanna eller kandidatar med erfaring – er det mange faktorar som spelar inn. Vi har sjølvsagt fokus på fagleg kompetanse, men dine personlege eigenskapar og erfaring er også viktig.
Vi ønskjer helst minimum 3 år høgare utdanning på høgskole- og universitetsnivå.
Vi har norsk som arbeidsspråk, og det er ein føresetnad at alle våre tilsette meistrar dette muntleg så vel som skriftleg.
- Publisert:
- 07.04.2009
- Sist oppdatert:
- 07.04.2009
