Våre prisar

Forskingsrådets pris for framifrå forsking - "Årets Møbius"

Forskingsrådets pris for framifrå forsking skal lønne høg kvalitet i forsking, nasjonalt og internasjonalt. Prisen blir gitt på grunnlag av dokumenterte resultat, og skal vere ein inspirasjon til vidare innsats. Prisen femner alle fag og disiplinar, inkludert tverrfaglege miljø. Både enkeltpersonar og grupper av personar kan tildelast prisen. Prisen er på 1 million kroner.

Forskingsrådets formidlingspris

Forskingsrådets formidlingspris blir gitt til ein forskar som har utmerkt seg med levande og nyskapande kommunikasjon av høg kvalitet frå eige fagfelt. Alle typar formidling i alle typar medium, og både langvarig innsats og enkeltståande tiltak, kan premierast. Formidlinga skal vere allmennretta.

Ein kan gi prisen både for langvarig innsats og for enkeltståande tiltak, men det blir lagt vekt på den evna kandidaten har til å vere kreativ og nyskapande. Ein kan gi prisen for aktivitetar knytte både til pågåande eller avslutta forsking. Formidlingsprisen kan dessutan bli gitt til ein person som har gjort ein særleg innsats for å fremje norsk forsking og kva forskinga har å seie for samfunnet. Prisen er på 250 000 kroner.
 

Forskingsmiljøa inviterast no til å sende inn forslag til kandidatar.
Enkeltpersonar kan òg fremje kandidatar.

Merk: Forslag sendes til Forskingsrådet i papirpost. Forslaget må være fyldig begrunna og dokumentert. Innovasjonsprisen har eget skjema. Frist for å sende inn forslag er 22. juni 2012

Forskningsrådets prisar blir delt ut under Forskinga sin festaftan i Oslo Konserthus 19. september.

Forskingsrådets innovasjonspris

Forskingsrådets innovasjonspris (tidlegare Noregs mest innovative bedrift) blir delt ut til ei bedrift eller offentleg verksemd som viser framifrå evne til å ta i bruk forskingsresultat og slik skape innovasjon. Vinnaren skapar verdiar – anten i bedriftsøkonomisk eller samfunnsmessig forstand. Forskingsrådet ønskjer å vise fram Noregs innovasjonsheltar og på den måten stimulere fleire til å drive med forskingsbasert innovasjon.

Kandidatar til innovasjonsprisen er bedrifter som har eller har hatt støtte frå Forskingsrådet sine næringsretta program. Ein jury beståande av både interne og eksterne personar kårar vinnaren. Prisen er på 500 000 kroner.