Administrasjon

 

Fungerende divisjonsdirektør: Mariken Vinje 

Administrasjonsdivisjonen tek seg av den sentrale økonomifunksjonen i Forskingsrådet og har ansvar for forvaltningsrutinar og økonomisk styring, samt vidareutvikling av gode budsjettprosessar.

Denne divisjonen har ei viktig rolle i arbeidet med å utvikle organisasjonen til å bli mest mogleg heilskapleg og effektiv, med særleg vekt på kompetanseutvikling, leiarutvikling, gode arbeidsvilkår og utvikling av nye elektroniske arbeidsformer. Det blir også arbeidd med å utvikle Forskingsrådet som ein lærande organisasjon.

Ei viktig oppgåve er å leggje til rette for ein veleigna infrastruktur knytt til Forskingsrådets møteplassfunksjon.

Divisjonen har også ansvar for kommunikasjon og forskingsformidling retta mot forskingsmiljøa, politikarar og forvaltning, næringsliv, media og allmugen. Det blir lagt vekt på å synleggjere og skape debatt om Forskingsrådets strategiar, planar, vedtak og tiltak, samt formidle nyhende om fagmiljø og forskingsresultat, mellom anna gjennom internett og Bladet Forskning.

Den årlege nasjonale festivalen Forskingsdagane har sitt sekretariat i administrasjonen, det same har Nysgjerrigper, som er eit tiltak for å vekkje interesse for forsking mellom barn, og Proscientia, som retter aktivitetar mot ungdom.