Gå direkte til innhold
 

Forskingsrådets miljøpolicy

Forskingsrådet skal jobbe på ein miljøvennleg måte. Miljøomsynet skal takast vare på i alle våre oppgåver:

  • som saksbehandlarar, både i samband med å gi forskingspolitiske råd og å gi finansiell støtte til forsking, innovasjon og forskarutvikling
  • i møteplassfunksjonen
  • i reiseverksemda vår
  • i bruk og drift av lokala våre

Forskingsrådet skal ha gode styrings- og rapporteringsrutinar for oppfølging av miljøpolicyen.

Leiinga i Forskingsrådets har ansvaret for at miljøleiingssystemet blir integrert i det eksisterande styringssystemet. Gjennom gode rutinar skal dei tilsette motiverast til å følgje Forskingsrådets miljøpolicy. Ein skal leggje vekt på å fremje ein bedriftskultur som tek omsyn til miljøet, der manglar kan avdekkjast og raskt rettast opp, og der individuelle bidrag til beste for fellesskapet og miljøet blir verdsette og stimulerte.

Det primære miljøansvaret ligg hos den einskilde medarbeidar under utøvinga av arbeidsoppgåvene.

Forskingsrådet skal systematisk og kontinuerlig styrkje sin miljøinnsats i
samsvar med eigne krav, samt aktuelle lover og forskrifter.

Forskingsrådet skal ha særleg merksemd på følgjande område:

  • innkjøp
  • energibruk
  • reiser og transport
  • avfallshandtering.

Forskingsrådet vil stille miljøkrav til operatørar og leverandørar.

Forskingsrådets miljøpolicy skal vere ein synleg del av Forskingsrådets profil og skal vere lett tilgjengeleg for både interne og eksterne brukarar.

Publisert:
 10.10.2005

Se relaterte

Se også

Tips en venn

Din e-post:
Ditt navn:

Din venns e-post:
Kommentar:
Sikkerhetssjekk
Captchabilde